- Maria, jen la horo!
Labor' postulas haston!
Ruĝiĝas jam aŭroro,
kaj mia estro punas la prokraston...
- Jen via manĝskatolo!
Kaj zorgu pri la san'!
Ne vivu sen kontrolo!
Alvenas trajno, kuru tuj, Johan'!
Peza destino,
tiu de Johano Hasta:
Loĝas trans la mondo-fino...
Ĉiu horo ŝajnas lasta...
Kuras ekde l' frumaten'!
La homoj svarmas
en vagon', kiel sardeloj.
Ĉiuj ŝvitas, ĉio varmas.
- Ne min puŝu al la reloj!
Mi laboras por viv-ten'!
Johano glitas
en vagonon, bole ŝvitas,
sed la trajno ĉion spitas,
malrapide kaj sen ĝen'...
Rim:
- El la libro 100 jaroj da kantado: Kultura Kooperativo de Esperanto, 1989.
- Registrita en la albumo Karnavale.
Ĉu eblas aŭdado?
ResponderExcluirKara Tarcísio!
ExcluirLa aŭdado nur en la kvarkanta vinila disketo "Karnavale". Mi ne scias, ĉu ĝi ankoraŭ disponeblas en iu libroservo aŭ asocio.
La partituro ĉi tie publikigita troveblas en lia libro "100 jaroj da kantado", sed la harmonion mi aldonis, ĉar ĝi ne aperas en la libro.
Rimoj lerte kreitaj, ĉar la aŭtoro same mastris kaj Esperanton kaj la Komponarton! Mi tre ŝatus koni, trastudi la partituron... 💚
ResponderExcluir